guman bacha k rakh diya

woh zindagi sey kia gaya,
 dhua'an urra k rakh diya
makaan k sutoon ney 
makaan gira k rakh diya

woh rah sey chala gaya
 tou raah morr ban gayee
meray safar ney rasta 
kahan chupa k rakh diya

kisi diye ki tarz sey 
guzar rahi hai zindagi
yahan jala k rakh diya, 
wahan bhuja k rakh diya

wajood ki bisaat per 
bari ajeeb maat thi
yaqeen luta k aa gaye, 
guman bacha k rakh diya